April 25, 2018

                                                               

Breaking News

          චාල්ස් කුමරු පොදුරාජ්‍ය මණ්ඩලයේ නායකත්වයට පත්වෙයි.             උතුරු කොරියාව ශක්තිමත් බලවතෙක් ලෙස ලෝක සාමයට දෑත් දිගු කරයි.             ඉන්දියාව ලොව 6 වන ආර්ථක බලවතා වෙයි.             නිතියේ හිදැසින් සහ දේශපාලකයින්ගේ රැකවරණ මත අර්ජුන මහේන්ද්‍රන් නිදැල්ලේ             ලෙස්ලි දේවේන්ද්‍ර, නිදහස් පක්ෂයෙන් නිදහස් වෙයි.      

News

    December 8, 2017, 3:57 pm0

    ශ්‍රී ලංකා ක්‍රිකට් කණ්ඩායම චන්දික හතුරුසිංහට

    පසුගිය 06 වැනිදා රැස් වු ශ්‍රී ලංකා ක්‍රිකට් ආයතනයේ විධායක සභා රැස්වීමේ දී පැවති සාකච්ඡාවකින් පසුව ,චන්දික හතුරුසිංහ මහතා ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු ලෙස ස්ථිර වශයෙන්ම පත් කිරිමට තීරණය කර තිබේ.ඒ අනුව ඔහු ලබන 20 වැනි දා කණ්ඩායම සමග එක් වී තම රාජකාරී ආරම්භ කරනු ඇත.

    December 8, 2017, 2:24 pm0

    දුම්රිය වර්ජනය අඛණ්ඩව.

    මේවන විට පැවැත් වූ සියළු සාකච්ඡා ආසාර්ථක වී ඇති හෙයින් දුම්රිය වර්ජනය අඛණ්ඩව පවතින බැව් දුම්රිය එන්ජින් රියදුරන්ගේ සංගමය පවසයි.දුම්රිය රියදුරු සහයකයින් බදවා ගැනීමට විරෝධය පළ කරමින් හා වැටුප් විෂමතා මුල්කර ගනිමින් ආරම්භ කළ මෙම වර්ජනය පෙරේදා මධ්‍යම රාත්‍රී සිට ආරම්භ වූ අතර දැනට වර්ජනයට දින දෙකක් ගත වී ඇත.

    December 7, 2017, 2:33 pm0

    රාජකීය මංගල්‍ය 2018 දී .

    බ්‍රිතාන්‍යයේ ඔටුන්න හිමි චාල්ස් කුමරුගේ සහ ඩයනා කුමරියගේ බාල පුතු හැරී කුමරු විවාහ වීමට තීරණය කළ බව බැකිම්හැම් මාළිගය නිවේදනය කර තිබේ.ඔහු විවාහ ගිවිස ගෙන ඇත්තේ ඇමරිකානු නිළියකවන මෙගාන් මේකල් සමගය.විවාහය සදහා තවම ස්ථිර දිනයක් නිවේදනය කර නොමැති අතර , බ්‍රිතාන්‍ය ආරංචි මාර්ග සදහන් කරන්නේ, විලියම් කුමරුගේ සහ කේට් කුමරියගේ තෙවන දරුවා බිහිවීමෙන් පසුව බොහෝ දුරට විවාහ මංගල්‍ය උත්සවය ගැනීමට ඉඩ ඇති බවයි.එය ලබන මැයි මාසයේ දිනයක් විය හැකි අතර, විවාහය වින්ඩ්සර් මාළිගයේ ශාන්ත ජෝර්ජ් දේවස්නථානයේදී සිදු කිරීමට තීරණය කර ඇත.තවමත් ඇමරිකානු ජාතික කාන්තාවක්වන මෙගාන්, විවාහයෙන් පසුව බ්‍රිතාන්‍ය ජාතිකත්වය ලබා ගන්නා බව දැනගන්නට තිබේ. මොවුන්ගේ මංගල්‍යයේ සියළු වියදම් චාල්ස් කුමරු සහ රැජින විසින් දරනු ලබයි.

    December 7, 2017, 6:17 am0

    දුම්රිය වර්ජකයන් හා අමාත්‍යංශ ලේකම් අතර සාකච්ඡාවක් අද දහවල් .

    දුම්රිය එන්ජින් රිදුරන් විසින් අරඹා ඇති වර්ජනය හේතුවෙන් අද උදෑසන කාර්යාල සේවකයින් සහ සෙසු මගීන් දැඩි අපහසුතායකට මුණ දුන් බව වාර්තාවේ.කොළඹ කොටුව දුම්රිය ස්ථානයෙන් දුම්රිය ධාවනය සිදුනොවුනත් පිට පළාත්වලින් පැමිණෙන දුම්රිය ධාවනය සිදුවන බව දුම්රිය පාලක මැදිරිය සදහන් කරයි.එසේ වුවත් මගීන් සහ වර්ජනයේ නියළෙන දුම්රිය රියදුරන් ප්‍රකාශ කරන්නේ ,අද දින කොළඹට පැමිණිමට තිබූ බොහෝ දුම්රි ධාවනය නොවූ බවයි .එමෙන්ම දුර ගමන් සේවා අවලංගු කර තිබෙන බව ද වාර්තාවේ.අද අලුයම 4.15 ය ගාල්ල සිට කොළඹ බලා පිටත් වීමට නියමිතව තිබූ දුම්රිය, ධාවනය නොවූ බව ගාල්ල දුම්රිය ස්ථානය පවසයි.මෙම වර්ජනය හේතුවෙන් දෛනික ගමන් වාර 150 ක් පමණ අවලංගු කර ඇති බවත් අද උදෑසන කාලයේ කාර්යාල දුම්රියවලින් සියයට 50 ක් පමණ ධාවනය නොවූ බවත් වාර්තාවේ.

    December 6, 2017, 9:08 am0

    ගෝඨෘගේ අතුරු තහනම දිගු වෙයි

    හිටපු ආරක්ෂක ලේකම් ගෝඨාභය රාජපක්ෂ මහතාට එරෙහිව නිතිමය පියවර නොගන්න යැයි අභියායචනාධිකරණය වෙත ඉදිරිපත් කර තිබූ අතුරු තහනම් නියෝගයේ කාලය යලි දිගු කිරීමට අද (06) යලිත් තීන්දු කෙරිණි.

    December 6, 2017, 6:15 am0

    ස්වයංපෝෂීත බව ගිලිහී යයි,පිටරටට දත නියවන්න සිදුවෙයි.

    අධික ලෙස දිනෙන් දින ඉහළ යන ජීවන වියදම පාලනය කිරීම සදහා ඉදිරියේ දී සහල් මෙන් ද පොල් ද පිටරටින් ගෙන්වීමට කැබිනට් මණ්ඩලය තිරණය කර ඇත. ඊයේ( 05 )දින ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවති කැබිනට් මණ්ඩල රැස්වීම අවස්ථාවේ දී මෙම තීරණය ගෙන තිබේ.

    December 5, 2017, 2:42 pm0

    පක්ෂ මාරුව ඇරඹෙයි ද?

    විමල් වීරවංශ මහතාගේ නායකත්වයෙන් යුත් ජාතික නිදහස් පෙරමුණේ නියෝජ්‍ය නායක අනුරාධපුර දිස්ත්‍රික් පාර්ලිමේන්තු මන්ත්‍රී වීරකුමාර දිසානායක මහතා ඉදිරි පළාත්පාලන මැතිවරණයේ දී S L F P සමහ එක් වී කටයුතු කිරීමටසුදානමක් පවති බව වාර්තාවේ .ජනතා විමුක්ති පෙරමුණෙන් ක්‍රියාකාරී දේශපාලනයට පිවිසි වීරකුමාර දිසානායක, පසුව විමල් වීරවංශ පක්ෂයෙන් ඉවත්වීමත් සමග ඔහු හා එක් වි ජාතික නිදහස් පෙරමුණ පිහිටුවා ගත්තේය.මෙම අවස්ථාවේ තමන් ජනාධිපති මෛත්‍රිපාල සිරිසේන මහතාට සහයෝගය දක්වනනේ ඇයි යන්න පැහැදිලි කරමින් ඔහු පුවත්පත් නිවේදනයක් නිකුත් කර තිබේ.අද දින අනුරාධපුරයේ දී පැවති මාධ්‍ය හමුවකට එක්වෙමින් ඔහු තම අදහස් ඉදිරිපත් කළේය.

    December 5, 2017, 8:01 am0

    ඉන්දීය සිනමා තාරකාවක් නිවී යයි.

    භාරත සිනමාවේ ප්‍රවීණ ප්‍රතිභාපූර්ණ රංගන ශිල්පියෙකුවන ශිෂී කපූර් දෙසැම්බර් 04 ඊයේ මියගොස් තිබේ.මිය යන විට 79 වැනි වියේ පසු වූ ශිෂී කපූර් දීර්ඝ කාලයක් වකුගඩු රෝගයකින් පීඩා වින්ද බව ඔහුගේ පවුලේ සාමාජිකයින් ප්‍රකාශ කර තිබේ.මුම්බායි හි කෝකිලාවෙන් ඩිරුබායි අම්බානි රෝහලේ ප්‍රතිකාර ලබමින් සිටියදී ඔහු මියගොස් ඇති බව වාර්තා වේ.ඉන්දීය ජනාධිපති රාම් නාත් කෝවින්ද් අගමැති නරේන්ද්‍ර මෝදි ද ඔහුගේ මරණය වෙනුවෙන් ශෝඛ පණිවිඩ නිකුත් කර තිබේ.

    December 5, 2017, 1:22 am0

    දෙසැම්බර් 05 සිට ඉදිරි කාලගුණ තත්ත්වය පිළිබද විශේෂ නිවේදනය.

    (2017 දෙසැම්බර් 03 දින 22.30 පැයට නිකුත් කරන ලදී) දකුණු අන්දමන් දූපත් ආසන්නයේ වර්ධනය වී ඇති අඩු පීඩන කලාපය දිවයිනට කි.මි 1350 පමණ නැගෙනහිර දෙසින් ගිණිකොන දිග බෙංගාල බොක්ක මුහුදු ප්‍රදේශයේ පවතී. නවතම ගෝලීය ගණිතමය ආකෘති පුරෝකථනවලට අනුව එම අඩු පීඩන කලාපය ඉදිරි පැය 24 තුලදී ගිනිකොණ-දිග බෙංගාල බොක්ක ආශ්‍රිතව පීඩන අවපාතයක් වීමට බොහෝ ඉඩ ඇත. ඉදිරි දින 3-4 තුලදී මෙම පද්දතිය බටහිරට බරව වයඹ දෙසට ගමන් කරමින් මධ්‍යම බෙංගාල බොක්ක මුහුදු ප්‍රදේශය හරහා උතුරු තමිල්නාඩු-දකුණු අන්ද්‍රා ප්‍රදේශ් වෙරළට ලඟා වනු ඇති බව තවදුරටත් එම පුරෝකථනවල සඳහන් වේ. ඒ අනුව දෙසැම්බර් මස 5 සහ 6 වනදා වනවිට මෙම පද්ධතිය ශ්‍රී ලංකාවට නැගෙනහිර දෙසින් දිවයිනට තරමක් ආසන්නයෙන් ගමන්කරනු ඇතැයි අනුමාන කල හැක.

    December 4, 2017, 5:14 pm0

    මහාසුපින සමග මහාචාර්ය ඇතුගල නැවතත් වේදිකාවට

    පර්යේෂණාත්මක නිර්මාණකරණය මෙන්ම විශ්ව කලා සම්ප්‍රදායන් අධ්‍යයනය තුළින් දේශීය කලාවට මෙන්ම විශ්ව විද්‍යාල අධ්‍යාපන කේෂ්ත්‍රයට ද දායකත්වය ලබාදීමට ඔහු නිරන්තරයෙන් වීර්ය කරන්නේය.ඒ තුළින් ප්‍රේක්ෂකයාට ද .තම සිසුන්ට ද ඔහු විශිෂ්ට සේවයක් කරන බව කිව යුතුමය.ඔහු අන් කවරෙකුවත් නොව කැළණිය විශ්ව විද්‍යාලයේ ජනසන්නිවේදන අධ්‍යයන අංශයේ මහාචාර්ය ආරියරත්න ඇතුගලයන්ය.කළකට පසුව නාට්‍ය නිර්මාණකරණයට පිවිසුණු ඇතුගලයන් මහසමයම වේදිකා නාට්‍ය හරහා දේශිය වේදිකාවට නව මානයක් සොයා දිමට උත්සාහ කළේය.ඔහුගේ ඒ පෙර ගමන පසු පරපුර කෙසේ ග්‍රහණය කරගන්නේ දැයි අප බලා සිටිමු.මහාචාර්ය ආරියරත්න ඇතුගලයන්ගේ නවතම නිර්මාණාත්මක, පර්යේෂණ නාට්‍ය මහාසුපින දෙසැම්බර් 05 කැළණිය විශ්ව විද්‍යාලයේ ධර්මාලෝක ශාලාවේ දී මංගල දැක්ම සදහා සුදානම් වන්නේය.

    December 4, 2017, 3:27 pm0

    මාධ්‍ය නිදහස , දේශපාලකයින්ගේ පඩුරු පූජාවක් ද?

    සමාජය පිළිබද නිවරදි මතවාදීමය අවබෝධයක් ඇති මිනිසුන්ට, තමන්ගේ අදහස් සමාජය හමුවේ නිරාවරණය කිරීමට ඇති අයිතිය ඔවුන්ට තවත් කෙනෙකුගෙන් ලැබුණ දෙයක් නොවේ.ලෝකයේ බහුතරයක් ජනතාව නිහඩ අනවබෝධයෙන් යුත් නිද්‍රාශීලි මිනිසුන්ය.එහෙත් ඔවුන් ද සමාජයේ සෙසු පුද්ගලයින් හා සමාන අවයව වලින් මෙන්ම අවශ්‍යතාවයන්ගෙන් ද අනූනය. එවැනි මිනිසුන් වෙනුවෙන් යම් කිසි දැනීමක් අවබෝධයක් ඇති මිනිසුන් පෙනී නොසිටින්නේ නම්, බලවතා දුබලයා පරාජය කරමින්, සත්ව ලෝකයේ එකිනෙකා මරා ගන්නාක් මෙන්, බලවතා දුබලයා ආහාරය සදහා ගන්නා ක්‍රියාවලිය, මිනිස් සමාජය තුළින් ද දැක ගත හැකිවන්නේය.

    December 4, 2017, 2:46 am0

    මුහුදේ ඇතිවන අනතුරක පෙර නිමිති.

    මුහුදේ ඇතිවන අනතුරක පෙර නිමිති එහි ජීවත්වන ජීවීන්ට දැනෙනු ඇත.එය අප අසා ඇති කාරණයකි.2004 සුනාමි අනතුර ඇතිවීමට පෙරත්, මුහුදු සර්පයින් (මුහුදු නයි) විශාල වශයෙන් මුහුදු ගිය ධිවරයින්ගේ දැල්වලට පැටලී ගොඩ බිමට සේන්දු වීම සිදු වී ඇත.

    PREVIOUSNEXT